د فرهنګي ميراثونو د ساتنې روزنيز کورسونه پيل شول
کورپاڼه >>

د فرهنگي ميراثونو  د ساتنې د روزنيز کورس دويم پړاو   د اطلاعاتو او فرهنگ  وزارت  د فرهنگي ميراثونو د ساتنې  په مرکز کې پيل شو.

  ددې کورس د پيل په مراسمو کې د فرهنگي معينيت سرپرست  محمد ضيا افشار  د روزنيزو کورسونو  جوړول د فرهنگ او د فرهنگي ميراثونو په ساتنه کې گټور وبلل  ويې ويل تاريخي آبدات چې  زموږ د تيرو نسلونو آثار دي د ساتنې لپاره يې دکارکوونکو په تيره بيا د هغو کسانو لپاره  چې د هېواد د فرهنگي ميراثونو د ساتنې په مقصد په فرهنگي ساحو کې  بوخت دي د مسلکي پوهې زده کړو او د زمينو برابرولو ته اړتياشته.

دغه راز په دې غونډه کې  د فرهنګي ميراثونو د ساتنې رئيس د سرڅيړونکي مرستيال  عبدالواسع فيروزي  خبرې وکړ ې ويې ويل  چې په دې کورس کې د بيلابيلو ولايتونو د فرهنگي  ميراثونو د رياست شل تنه کارکوونکي درې مياشتې  زده کړې کوي چې د هېواد د لرغونو ساحو د فرهنگي ميراثونو په ساتنه کې هڅه وکړي.

د افغانستان د ملي موزيم  رئيس عمراخان مسعودي د روزنيز کورس  د جوړولو په  اړوند وويل د فرهنگي ميراثونو د ساتنې د روزنيز کورس تمويلوونکې  منبع د اسيا د جنوب مرکز د  هېواد په بيلابيلو ساحو کې  د تاريخي  ابداتو د پيژندنې او ساتنې پروګرام  په عملي توگه دوام لري  اړتيا احساسيږي  چې د فرهنگي  ميراثونو د ساتنې کارکوونکي مسلکي زده کړه ولري چې دغه اړتيا د دغه شان کورسونو په  جوړولو سره لرې کيږي.

د روزنيز کورس  دوو تنوبرخه والو د باختر اژانس  خبريال ته  وويل  چې فرهنگي ميراثونه د هېواد د تمدن د تاريخ  د يوې برخې په شان مسلکي ساتنې ته اړتيا لري ددغه شان کورسونوجوړول له شک پرته دغه اړتياوې لري کوي.