د يو بل منلو کلتور د ودې او پياوړتیا په موخه د (یو له بل سره بهتر کېږو) په نوم پروګرام ترسره شو
د بادغیس ولایت د اطلاعاتو او کلتور ریاست له لوري (یو له بل سره بهتر کېږو) په نوم فرهنګي پروګرام د یو بل منلو کلتور د ترویج او پیاوړتیا په موخه، د دغه ریاست د کنفرانسونو په تالار کې جوړ شو.
په دغه پروګرام کې د ویناوالۍ ټولګي یو شمېر زده کوونکو د یو بل منلو کلتور په اړه د قرآن کریم او نبوي احادیثو په رڼا کې ویناوې او شعرونه وړاندې کړل.
د بادغیس ولایت د اطلاعاتو او کلتور رئیس آخندزاده مطیع الله متقي وویل: د یو بل منلو کلتور د اسلامي ارزښتونو له ډلې څخه دی، اسلام سپېڅلي دین انسانان مینې، همکارۍ او متقابل درناوي ته رابولي، رښتینی مسلمان هغه دی، چې خپل مسلمان ورور د ځان په شان خوښ کړي او له تکبر او لويۍ څخه ځان وساتي.
ښاغلي متقي زیاته کړه، د یو بل منلو کلتور په رڼا کې سالمه، آرام هاو متحده ټولنه رامنځته کېږي، که موږ د قرآن کریم احکامو او د ستر پېغمبر حضرت محمد صلیاللهعلیهوسلم سیرت باندې عمل وکړو، نو اختلاف، کرکه او بېلتون به له منځه لاړ او ځای به یې د ورورولۍ روحیه ونیسي.
۱۴۴۷/۴/۲۳ هـ ق
