د ګرځندوی، مالي او اداري چارو معین کونړ ولایت ته سفر وکړ
د اطلاعاتو او کلتور وزارت اړوند د ګرځندوی، مالي او اداري چارو معین مولوي قدرت الله جمال کونړ ولایت د سفر په لړ کې د اطلاعاتو او کلتور ریاست او ملي راډیو تلویزیون څخه لیدنه وکړه.
د ګرځندوی، مالي او اداري چارو معین مولوي قدرت الله جمال د اطلاعاتو او کلتور ریاست او ملي راډیو تلویزیون د چارو ارزونې ترڅنګ مسؤلینو ته اړینې سپارښتنې هم وکړې.
ښاغلي جمال زیاته کړه؛ هڅه کوو، چې په نږدې راتلونکي کې په دې ولایت کې ګرځندویاونو ته هوټل او د لرغونو آثارو د خوندي ساتلو لپاره موزيم جوړ شي.
د یادونې وړ ده، چې تر دې وړاندې د ګرځندوی، مالي او اداري چارو معین لغمان او ننګرهار ولایتونو ته هم سفر کړی و.
۱۴۴۷/۸/۲۶ هـ ق
