بادغیس کې (مسلمان ځوان او په ټولنه کې یې فرهنګي مسؤلیت) په نوم سمینار وړاندې شو
د بادغیس ولایت د اطلاعاتو او کلتور ریاست له لوري یو شمېر فرهنګ پالو ځوانانو ته د مسلمان ځوان او په ټولنه کې یې فرهنګي مسؤلیت په نوم سمینار وړاندې شو.
د اطلاعاتو او کلتور رئیس مولوي مطیعالله متقي د دغه ډول پروګرامونو جوړول د ځوان نسل د فکر د ویښتابه لپاره ښه فرصت وباله او ټینګار یې وکړ، چې مسلمان ځوانان د دې خاورې د ارزښتونو او معنوي میراثونو ساتونکي دي.
نوموړي زیاته کړه، دا ډول فرهنګي پروګرامونه نه یوازې د ځوانانو فرهنګي پوهه زیاتوي، بلکې د مسؤلیت قبلولو حس او ټولنیز تعهد هم پیاوړی کوي.
همداراز، د سیمینار یو شمېر ګډونوالو په خپلو ویناوو کې د اسلامي او فرهنګي ارزښتونو په ساتنه، د فکري یرغل پر وړاندې مبارزه او د ټولنیز مسؤلیت منلو په اهمیت ټینګار وکړ.
۱۴۴۷/۵/۱۷ هـ ق
