د اطلاعاتو او فرهنګ وزارت نشراتي معین د ازادۍ مطبعې څخه لیدنه وکړه

moic_admin
پنجشنبه ۱۴۰۱/۹/۳ - ۱۴:۳۵
muhajer-moic

نن پنجشنبه ۱۴۰۱/۹/۳ هـ ش د اطلاعاتو او فرهنګ وزارت نشراتي معین ښاغلي "مهاجر فراهي"، د دولتي ازادۍ مطبعې څخه لیدنه وکړه، چې پرمهال یې د چاپي رسنیو رئیس ښاغلي "نبیل"، د مطبعې رئیس ښاغلي "مولوي عبدالرحمان آغا" او ځینو نورو مسئولینو حضور درلود.
د ازادۍ مطبعې مسئولینو وویل، د ازادۍ مطبعه چې ۱۵۰ کلونه قدامت لري، په داسي عصري ماشینرۍ او مجهزو امکاناتو سمبال ده، چې ځیني ګاونډي هیوادونه هم هغه ماشینرۍ نلري، خو ستونزه دا ده چې دولتي ادارې ورته د چاپ په موخه مراجعه نکوي، مسئولینو زیاته کړه، چې دوی په نژدې راتلونکي کې د هیواد په کچه د لوړ معیار درلودونکي قرآن کریم د چاپېدو هوډ لري.
نشراتي معین ښاغلي مهاجر په خپلو خبرو کې د مطبعې په لوړه کچه معیاري ماشینرۍ او د مسئولینو هڅې وستایلې او پر دولتي ادارو یې ږغ وکړ، چې د چاپي موادو لپاره دي یادي مطبعې ته مراجعه کوي، څو یې کار هم معیاري شوی وي او ترڅنګ به یې ګټه د دولت بودجې ته ورسیږي.
 

تازه خبرونه

دوشنبه ۱۴۰۳/۱/۲۷ - ۲۳:۱۲
Background image

د اطلاعاتو او کلتور رئيس د رستم له تاريخي تخت څخه ليدنه وکړه

یک‌شنبه (۵ د شوال ۱۴۴۵) د سمنګان ولايت د اطلاعاتو او کلتور رئيس مولوي فیروزالدين منیب په دې ولايت کې د رستم له تاريخي تخت څخه ليدنه وکړه.

مولوي فیروزالدين منیب وويل: تاريخي آبدات د. . .

دوشنبه ۱۴۰۳/۱/۲۰ - ۱۳:۴۳
Background image

جوزجان ولايت کې له ۳۰ تنو د سيرت النبي ﷺ د سيالۍ نهايي ازموينه واخستل شوه

یک‌شنبه (۲۹ د رمضان المبارک ۱۴۴۵) په جوزجان ولایت کې د اطلاعاتو او کلتور رياست د ځوانانو چارو آمريت له لوري د اکټېډ موسسې په همکارۍ د سيرت النبي ﷺ د سيالۍ د ۹۰۰ ګډونوالو له منځه د ټاکل. . .

دوشنبه ۱۴۰۳/۱/۲۰ - ۱۳:۵
Background image

کندز کې د قرانکريم د نزول د ورځې د لمانځلو په مناسبت نندارتون جوړ شو

شنبه (۲۷د رمضان المبارک ۱۴۴۵) د کندز ولايت د اطلاعاتو او کلتور رياست د هنر او کلتور آمريت له لوري د قرانکريم د نزول د ورځې د لمانځنې په موخه د عامه کتابتون په تالار کې د قرانکريم. . .

BACK TO NEWS