د لوګر عامه کتابتون ته لسګونه ټوکه کتابونه ډالۍ شول
د لوګر ولايت د اطلاعاتو او کلتور رياست مسؤلين وايي: د ډاکټر محمد سليم عالمي په نوم د لوګر يو تن علم دوسته اوسېدونکي ۴۲ ټوکه بېلابېل ډوله کتابونه د اطلاعاتو او کلتور رياست عامه کتابتون ته ډالۍ کړل.
د عامه کتابتون مدير عبدالاحد فيضي د ډاکټر عالمي له ډالۍ نه په مننې سره د کتاب لوستنې له ټولو مينه والو وغوښتل ترڅو له دوی سره د کتاب لوستنې دود په عامولو کې همکاري وکړي.
همدا راز ډاکټر محمد سليم عالمي د ځوانانو تر منځ د کتاب لوستنې دود عامولو په برخه کې د اطلاعاتو او کلتور رياست هڅې د ستاينې وړ وبللې او د عامه کتابتون مسؤلينو ته يې د هر راز همکارۍ ډاډ ورکړ.
۱۴۰۳/۱۱/۷ ل
۱۴۴۶/۷/۲۵ ق
