د اطلاعاتو او کلتور وزارت نشراتي معین له معارف راډیو تلویزیون څخه لیدنه وکړه

moic_admin
سه شنبه, نوومبر 08 2022 10:15 AM
mariftv-moic

نن سه شنبه ۱۴۰۱/۸/۱۷ هـ ش د اطلاعاتو او کلتور وزارت نشراتي معین قدرمن "مهاجر فراهي" صاحب د اطلاعاتو او کلتور وزارت اړوند معارف راډیو تلویزیون ریاست او اړوند څانګو څخه لیدنه وکړه.
په پیل کې د تلویزیون رئیس ښاغلي عزیر د معین صاحب په راتګ خوښي وښوده او همهال یې ورسره لاسته راوړنې، پرمختګونه او ځیني ستونزې شریکي کړې، ښاغلي عزیر وویل، چې تلوزیون یې د عصري او دیني تعلیم د زده کړې، تشویق او خپراوي لپاره بېلابیل پروګرامونه لري، چې په ذریعه یې زیات شمیر خلک تعلیم ته هڅولي، ماشومان یې مکاتبو او مدارسو ته تشویق کړي او ډیر خلک یې له تعلیم سره بلد کړي، نوموړي زیاته کړه چې د راډیو او تلویزیون خپرونې یې د افغانستان په شمول د آسیا ځینو هیوادونو کې هم اوريدل کیږي.
د نوموړي تر خبرو وروسته ښاغلي "مهاجر فراهي" د معارف راډیو تلویزیون لاسته راوړنې او پرمختګونه وستایل او د لا زیات کار په پار یې ورته لازمي لارښوونې او سپارښتنې وکړې.
ښاغلي مهاجر وویل، چې ددې شته امکاناتو په مټ کولای سو چې له تعلیمه بې برخې هیوادوال له تعلیمه برخمن کړو او شته تعلیمي بهیر ته وده ورکړو، په پای کې یې ښاغلي عزیر ته ډاډ ورکړ، چې ستونزو ته به ژر رسیدګي کیږي.

تازه خبرونه

یکشنبه, فبروري 05 2023 8:46 PM
Background image

د هلمند مارجې ولسوالۍ کې د ځوانانو د همږغۍ غونډه ترسره شوه

 

تېره ورځ د هلمند ولایت مارجې ولسوالۍ د غونډو په تالار کې د اطلاعاتو او فرهنګ ریاست د ځوانانو مدیریت په نوښت د یادي ولسوالۍ د ځوانانو د همږغۍ غونډه ترسره شوه، چې پر مهال یې د یادي. . .

یکشنبه, فبروري 05 2023 5:59 PM
Background image

د غزني ولايت د اطلاعاتو او فرهنګ رئیس له فعالو رضا کارو ځوانانو سره وکتل


 تېره ورځ د غزني د اطلاعاتو او فرهنګ رئیس، ملا حمیدالله نثار په خپل کاري دفتر کې له فعال رضاکار ځوانانو سره وکتل.
ښاغلي ملا حمیدالله نثار، ځوانان د هرې ټولنې د ملا تير وبلل او د دغه. . .

شنبه, فبروري 04 2023 9:39 PM
Background image

د بغلان د اطلاعاتو او فرهنګ ریاست په نوښت د ولسونو د انسجام غونډه ترسره شوه


نن شنبه ۱۴۴۴/۷/۱۳ هـ ق بغلان ولایت کې د یاد ولایت  د اطلاعاتو او فرهنګ ریاست په نوښت د ولسونو د انسجام غونډه ترسره شوه، چې پکې د خنجان، ده صلاح، بنو، پلحصار، دوشي، تاله او برفک. . .

BACK TO NEWS