د روان کال غوره لیکوالان، فرهنګیان او هنرمندان ستایل کېږي

farzad_moicgovaf
سه شنبه, جولای 19 2022 3:26 PM
د روان کال غوره لیکوالان، فرهنګیان او هنرمندان ستایل کېږي

د اطلاعاتو او فرهنګ وزارت د فرهنګ او هنر معینیت چارواکي وايي، چې اطلاعاتو او فرهنګ وزارت په فرهنګي ډګر کې مسؤلیت لري چې د هېواد له کلتوري، دیني او ملي ارزښتونو ساتنه وکړي.

دغه څرګندونې د اطلاعاتو او فرهنګ وزارت د فرهنګ او هنر معین مولوي عتیق الله عزیزي د ۱۴۰۱ کال د هنري او فرهنګي جایزو لپاره د ارزونې پلاوي د همغږۍ په غونډه کې وکړې.

عزیزي وویل، چې، اطلاعاتو او فرهنګ وزارت په فرهنګي ډګر کې مسوولیت لري چې د نورو برخو ترڅنګ د هېواد له کلتوري، دیني او ملي ارزښتونو څخه ساتنه وکړي.

د فرهنګ او هنر معین وویل، چې د فرهنګي او هنري جایزو د وېش له لارې به وکولای شي چې غوره فرهنګیان، هنرمندان، لیکوالان او د فن خاوندان وستایل شي.

هغه د قضاوت له پلاوي هیله وکړه چې اسلامي او ملي ارزښتونو په کتو سره عادلانه او منصفانه قضاوت وکړي.

ټاکل شوې چې د فرهنګي او هنري جایزو سیالۍ د مقررې پر بنسټ به دغه سیالي د زمري د ۲۸ مې په ویاړ جوړه شي.

دا په داسې حال کې ده چې له یوې میاشتې راهیسې د اطلاعاتو او فرهنګ وزارت د خلکو فرهنګ ریاست  آثار راټول پیل کړي او دغه غونډه د فرهنګي او هنري برخې ( د هېواد کلتور، ادبیات، راډیو تلوېزیون، فلم، تیاتر، ترنم او ترانې، انځوریز هنرونه او ژورنالیزم) برخو د قضاوت پلاوي همغږۍ لپاره جوړه شوې وه.

په غونډه کې د هرې برخې قضاوت پلاوي او داوران وټاکل شول او هغوی د قضاوت په څرنګوالي باندې بحثونه هم وکړل.

په غونډه کې د خلکو فرهنګ ریاست د راټول شویو آثارو په اړه معلومات ورکړل چې په ټوله کې تر اوسه په ټولو برخو کې ۱۸۸ فرهنګي-هنري آثار له مرکز او ولایتونو څخه راټول شوي دي.

کابل، د چنګاښ ۲۸ مه، باختر

تازه خبرونه

سه شنبه, اکتوبر 04 2022 3:29 PM
Background image

ملاخیرالله خیرخواه د اروپايي ټولنې له ځانګړي استازي سره وکتل

د اطلاعاتو او فرهنګ وزارت سرپرست ملا خیرالله خیرخواه نن د افغانستان لپاره د اروپايي ټولنې له ځانګړي استازي توماس نیکولسن او د افغانستان لپاره د اروپايي ټولنې له ستر سیاسي سلاکار جیني. . .

یکشنبه, اکتوبر 02 2022 3:31 PM
Background image

د جهاد د ارزښتونو د ساتنې په نامه ریاست جوړ شو

د اطلاعاتو او فرهنګ وزارت په آډانه کې د افغانستان د خلکو د جهاد د ارزښتونو د ساتنې په موخه ریاست جوړ شو او نن یې په کار پیل وکړ.
 د رياست الوزرا په لارښوونه د جهاد د ارزښتونو د ساتنې. . .

چهارشنبه, سپتمبر 28 2022 3:00 PM
Background image

ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په. . .

BACK TO NEWS