د کندهار اطلاعات او کلتور ریاست د ښوونيزو مرکزونو د ۱۰۰ عمومي اول نمره ګانو ستاینغونډه تر سره کړه

wali_admin
سه‌شنبه ۱۴۰۲/۱/۱ - ۱۱:۱۶
AFG

 

تېره ورځ د کندهار ولایت د اطلاعات او کلتور رياست کې د خصوصي او دولتي پوهنتونونو، انسټیټوټونو او ښوونځیو د ۱۰۰ عمومي اول نمره ګانو د ستاینې او هڅونې په موخه ستاینغونډه جوړه شوه، چې پکې د کندهار ولایت مرستیال والي مولوي حیات الله مبارک، د اطلاعات او کلتور رئیس مولوي نوراحمد سعید، مرستیال یې ملا شمس الله صمیم، د کندهار پوهنتنون رئیس مولوي محمد اکرم شاه عاصم، د پوهنې رئیس مولوي فخرالدین نقشبندي، د خصوصي او دولتي ښوونځیو، پوهنتونونو او انسټیټوټونو رئیسانو، استادانو او زده کوونکو ګډون کړی و.
د غونډې په پیل کې د اطلاعاتو او کلتور رئیس مولوي نور احمد سعید وویل، چې د ا.ا.ا. اصلي هدف د هېواد آبادي، پرمختګ، د ظالمانو او ټوپک سالرانو څخه د ولس ساتل، د خارجي یرغلګرو پر وړاندې مبارزه او په هېواد کې د اسلامي نظام ټينګول دي.
ښاغلي سعید ځوانان وهڅول، چې خپلو زده کړو ته دوام ورکړي، دوامداره مطالعه وکړي او خپل ارزښتناکه وخت بې ځایه تېر نه کړي؛ ډاډ یې ورکړ، چې استعدادونه به ستايل کيږي او د وطن جوړونې په برخه کې به کار ورڅخه اخيستل کيږي.
ورپسې مرستیال والي مولوي حیات الله مبارک د افغانستان د باشهامته ولس پر مېړانه خبرې وکړې او ځوانان یې وهڅول، چې د فکري جګړې تر اغېز لاندې رانه شي.
همدا راز د کندهار پوهنتون رئيس وویل، چې موږ په اسلامي فکر سمبال او د عصري علم ځوانان لرو، چې په نړۍ کي یې ساری نشته، هغه له ځوانانو او زده کوونکو وغوښتل، چې خپلو زده کړو ته دوام ورکړي.
ورپسې د پوهنې رئیس ځوانانو ته ډاډ ورکړ، چې کاري زمینه درته برابرو او د زده کړو په برخه کې به ډېري آسانتیاوې درته برابرې کړو.
د غونډې په وروستۍ برخه کې د غونډې ارزیابي استاد حیات الله رفیقي وکړه، ښاغلي رفیقي یاده غونډه ګټوره وبلل او د اطلاعات او کلتور ریاست دا او نور نوښتونه یې د کندهار او ټولنې له پاره خورا مهم او ګټور وبلل او د ښوونيزو مرکزونو عمومي اول نمره ګانو ته یې ستاینلیکونه ورکړل.

۱۴۴۴/۸/۲۷ هـ ق
۱۴۰۱/۱۲/۲۹ هـ ش
 

تازه خبرونه

شنبه ۱۴۰۲/۳/۱۳ - ۱۵:۳۹
Background image

د اروزګان د اطلاعاتو او کلتور رئیس د خصوصي رسنیو له مسؤلینو سره وکتل

نن (۱۴۴۴/۱۱/۱۴ هـ ق) د روزګان ولایت د اطلاعات او کلتور رئیس قاري اغاولي قریشي د دغه ولایت د خصوصي رسنیو له مسؤلینو سره د همږغۍ ناسته وکړه او له دوی یې وغوښتل چې خپل نشرات د اسلامي اصولو. . .

شنبه ۱۴۰۲/۳/۱۳ - ۱۵:۳۳
Background image

د اچکو موسسې رئیس د هنر او کلتور معین سره وکتل


اچکو موسسه چې په افغانستان کې د کلتوري میراثونو د ساتنې په برخه کې فعالیت کوي، رئیس یې نن پنجشنبه د اطلاعاتو او کلتور وزارت د هنر او کلتور معین مولوي عتیق الله عزیزي سره وکتل، چې پر. . .

شنبه ۱۴۰۲/۳/۱۳ - ۱۵:۳۰
Background image

د ‏ځوانانو چارو معین د ترکیې بنسټونو له مشرانو سره وکتل

تېره ورځ په کابل کې د بډمنټون ملي ټاکنیزو سیاليو د پای په مراسمو کې چې له ۱۲ ولایتونو څخه پکې ۱۵۰ لوبغاړو ګډن کړی و، د ځوانانو چارو معین قاري محمد يونس راشد، په کابل کې د ترکیې موسسې. . .

BACK TO NEWS