عزیزي: د کابل بالاحصار به په لرغونې بڼه ورغول شي

farzad_moicgovaf
جمعه ۱۴۰۱/۱/۲۶ - ۱۳:۴۶
عزیزي: د کابل بالاحصار به په لرغونې بڼه ورغول شي

د افغانستان اسلامي امارت د اطلاعاتو او کلتور وزارت چارواکي وايي، په پام کې لري چې د کابل بالاحصار په لرغونې بڼه ورغول شي.
د بالاحصار کلا په کابل ښار کې یوه لرغونې سیمه ده چې لرغونتوب یې پنځم قرن ته رسېږي.
د افغانستان د پاچا تیمور شاه په وخت کې د افغانستان پایتحت له قندهار څخه کابل ته انتقال شوی او د کابل په بالاحصار کې ځای پر ځای شوی او د عبدالرحمن خان تر سلطنت پورې پایتخت په بالاحصار کې و.
د کابل بالاحصار د افغانستان په تاریخ کې له زرینو ارزښتونو څخه شمېرل کېږی؛ خو په تېرو څو لسېزو کې د سیمې هېوادونو او د کورنیو جنګونو له امله یې زیات زیانونه لیدلي او په تېرو شلو کلونو کې یې بیارغونې ته هیڅ پاملرنه نه ده شوې.
خو د اطلاعاتو او فرهنګ وزارت چارواکي وایي، په پام کې لري چې د کابل بالاحصار په لرغونې بڼه ورغول شي.
د اطلاعاتو او فرهنګ وزارت د فرهنګ او هنر معین مولوي عتیق الله عزیزي وايي چې اسلامي امارت په پلان کې لري چې د کابل بالاحصار په شاوخوا سیمه کې ملي پارک هم جوړ کړي.
د باختر آژانس د خبر له مخې؛ د اطلاعاتو او فرهنګ وزارت د فرهنګ او هنر معین نن د کابل بالاحصار وکوت او د بالاحصار د غصب شوې ځمکې پر بېرته راګرځولو یې ټینګار وکړ او زیاته کړه چې یاده سیمه د بالاحصار مربوطه سیمه ګڼل کېږي.
دا په داسې حال کې ده چې آغا خان بنسټ له اطلاعاتو او فرهنګ وزارت سره په همغږۍ د کابل بالاحصار د بیارغونې چارې پیل کړې دي.

کابل/ د وري ۲۵ مه/ باختر

تازه خبرونه

شنبه ۱۴۰۱/۴/۴ - ۱۴:۳۹
Background image

د اطلاعاتو او فرهنګ وزارت د تاريخي آثارو او د لرغونو ساحو د ساتنې په برخه کې د دولتي بنسټونو د همکارۍ غوښتنه وکړه

د اطلاعاتو او فرهنګ وزارت د فرهنګ او هنر معين وايي، چې د اسلامي امارت د رئيس الوزرا ملا محمد حسن آخند د وروستي حکم له مخې ټولې دولتي ادارې مکلفې دي، چې د تاريخي ميراثونو د ساتنې او بهر. . .

پنجشنبه ۱۴۰۱/۴/۲ - ۱۶:۳۷
Background image

د فرهنګ او هنر معین د فیروز کوه موسسې فعالیتونه او هڅې وستایلې

د اطلاعات او فرهنګ وزارت د فرهنګ او هنر معین مولوي عتیق الله عزیزي د فیروز کوه موسسې د فعالیتونو بېلابېلې برخې وکتې او د یادې موسسې هڅې یې اړینې او د پام وړ وبللې. هغه د یادې موسسې. . .

پنجشنبه ۱۴۰۱/۴/۲ - ۱۴:۳۹
Background image

مجاهد: د پکتیکا او خوست زلزله ځپلو کورنیو سره د سیمې هېوادونو د بشري مرستو لېږدونې بهیر پیل شوی دی

د افغانستان اسلامي امارت ویاند او د اطلاعاتو او فرهنګ وزارت د خپرونو چارو معین ذبیح الله مجاهد وايي، چې د پکتیکا او خوست ولایتونو له زلزله ځپلو کورنیو سره د مرستې لپاره د سیمې او نړۍ د. . .

BACK TO NEWS