ملا خيرالله خيرخواه: په اوسنيو شرايطو کې هېواد زيات کار او هلوځلو ته اړتيا لري

farzad_moicgovaf
سه شنبه, اګست 02 2022 10:31 AM
ملا خيرالله خيرخواه: په اوسنيو شرايطو کې هېواد زيات کار او هلوځلو ته اړتيا لري

د اطلاعاتو او فرهنګ وزارت د سرپرست ملا خيرالله خيرخواه په مشرۍ نن د دغه وزارت د مشرتابه غونډه جوړه شوه.

د باختر اژانس د خبريال د خبر له مخې؛ په دې غونډه کې چې د اطلاعاتو او فرهنګ وزارت د معينانو او د بېلابېلو څانګو د رييسانو په ګډون جوړه شوه  لومړۍ د دغه  وزارت د بېلابېلو برخو رييسانو او مسوولينو د خپلو کارونو رپوټونه وړاندې کړل.

دوی دغه راز د چارو د لا ښه والي په موخه خپلې یو شمېر ستونزې، وړاندیزونه  او غوښتنې د اطلاعاتو او فرهنګ له سرپرست وزیر سره شریکې کړې او د دوی د ستونزو د حل او غوښتنو ته د رسیدګۍ په برخه کې یې د لا زیاتې پاملرنې غوښتنه وکړه.

وروسته د اطلاعاتو او فرهنګ سرپرست په خپلو خبرو کې د دغه وزارت د بېلابېلو برخو د رييسانو د کارونو قدرداني وکړه او ويې ويل؛ په اوسنيو شرايطو کې هېواد زيات کار او هلوځلو ته اړتيا لري.

هغه دغه راز ټينګار وکړ چې د چارو د لاښه والي په موخه د اطلاعاتو او فرهنګ وزارت د ټولو برخو مسوولين دې بايد زياتې هڅې وکړي.

دغه راز په دې غونډه کې د وزارتونو او ادارو له وياندويانو، فرهنګيانو او ليکوالانو سره د کتنې په ترڅ کې د فرهنګي برخې پر پرمختګونو خبرې شوې دي.

په غونډه کې د رسنيزو شکايتونو او سرغړونو د څېړنې د کمېسيون د کار پيل، د حکومت د رسنيو په مرکز کې د وزارت د يو کلن راپور وړاندې کول، په ولايتونو کې د فرهنګي اوونۍ، د ٢٦ علمي څېړنيزو کتابونو چاپ، د اشغال د دورې پر جنايتونو د مستندو فلمونو جوړول، د ځوانانو د ظرفیت لوړولو او د کار پیدا کولو په موخه د انستيتيوت تاسيس، د هیواد په کچه د سیاحتي ساحو مدیریت، د هغو پوهنتونونو ستاینه چې د ځوانانو لپاره یې په بیلابیلو برخو کې د لوړو زده کړو او مسلکي زده کړو زمینه برابره کړې او همدا راز د ځوانانو د ورځې د نمانځنې په موخه  بحث او د نظرونو تبادله وشوه.

کابل، د زمري ١١ مه، باختر

تازه خبرونه

سه شنبه, اکتوبر 04 2022 3:29 PM
Background image

ملاخیرالله خیرخواه د اروپايي ټولنې له ځانګړي استازي سره وکتل

د اطلاعاتو او فرهنګ وزارت سرپرست ملا خیرالله خیرخواه نن د افغانستان لپاره د اروپايي ټولنې له ځانګړي استازي توماس نیکولسن او د افغانستان لپاره د اروپايي ټولنې له ستر سیاسي سلاکار جیني. . .

یکشنبه, اکتوبر 02 2022 3:31 PM
Background image

د جهاد د ارزښتونو د ساتنې په نامه ریاست جوړ شو

د اطلاعاتو او فرهنګ وزارت په آډانه کې د افغانستان د خلکو د جهاد د ارزښتونو د ساتنې په موخه ریاست جوړ شو او نن یې په کار پیل وکړ.
 د رياست الوزرا په لارښوونه د جهاد د ارزښتونو د ساتنې. . .

چهارشنبه, سپتمبر 28 2022 3:00 PM
Background image

ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په. . .

BACK TO NEWS