په تخار کې د دولتي ادارو د مطبوعاتي مسؤلينو او رسنیو تر منځ د همږغۍ غونډه وشوه

د تخار ولایت د اطلاعاتو او کلتور ریاست له لوري د دولتي ادارو د مطبوعاتي مسؤلينو، د خصوصي رسنیو او خبريالانو ترمنځ د همږغۍ غونډه وشوه.
د اطلاعاتو او کلتور رئیس مولوي ذبیح الله انصاري وویل: رسنۍ د حکومتونو لپاره د سترګو او غوږونو په مثال دي، چې د دولت او ملت تر منځ د اړیکو رامنځته کولو وسيلې ګڼل کېږي، هغه له رسنیو وغوښتل، چې د اسلامي امارت لاسته راوړنې او پرمختګونه په ښه ډول منعکس کړي.
ښاغلي انصاري د تېرو دریو کلونو په اوږدو کې د خبریالانو او مطبوعاتي مسؤلينو د هڅو او زیار ستاینه وکړه او هغوی یې د لا زیاتې اطلاع‌ رسونې او د رسنیزو چارو د همږغۍ لپاره وهڅول.
په دې غونډه کې د خصوصي رسنیو خبریالانو او مسؤلينو خپلې ستونزې، وړاندیزونه او غوښتنې هم شریکې کړې، چې د اطلاعاتو او کلتور رئیس د ستونزو د حل ډاډ ورکړ.

۱۴۰۳/۱۱/۷ ل
۱۴۴۶/۷/۲۵ ق