د اطلاعاتو او فرهنګ ریاست پلاوي کابل کې د کډوالو له لنډمهالي کمپ څخه لیدنه وکړه
د کابل د اطلاعاتو او فرهنګ ریاست یوه پلاوي کډوالو ته د عامه پوهاوي ورکولو په موخه په کابل کې د کډوالو له لنډمهالي کمپ څخه لیدنه وکړه.
دغه پلاوي د کمپ له بېلابېلو برخو څخه د لیدنې ترڅنګ له یو شمېر کډوالو سره خبرې وکړې او د کره او پر وخت معلوماتو رسولو او اړینو معلوماتو ته د کډوالو د لاسرسي پر اهمیت یې ټینګار وکړ.
همدارنګه، د کمپ د چاپېریال د ښه والي او د معلوماتو رسولو د بهیر د اسانتیا په موخه د کمپ یو شمېر لوحې ترمیم او بیاورغول شوې.
د لیدنې په لړ کې یاد پلاوي د اړوندو همکارو ادارو له استازو سره هم وکتل او د کاري بهیر، همغږۍ، د عامه پوهاوي د لا ښه والي او د کډوالو چارو ته د لا غوره رسېدنې پر لارو چارو یې بحث وکړ.
۱۴۴۸/۳/۱۰ هـ ق
