د رسنیو له مسؤلینو، خبریالانو او د امارتي ادارو له ویاندویانو سره د همغږۍ ناستې وشوې
د پنجشېر او کاپیسا د اطلاعاتو او کلتور ریاستونو د رسنیو له مسؤلینو، خبریالانو او د امارتي ادارو ویاندویانو سره د همغږۍ ناستې وکړې.
په دې ناستو کې د همغږیو په پیاوړتیا، د اطلاع رسوني بهیر لا غوره والي، د اسلامي امارت نشراتي پالیسي رعایت کولو او د فکري او فرهنګي یرغل په وړاندې د عامه افکارو په جوړولو کې د رسنیو د رول په اړه ټینګار وشو.
دغه راز مسؤلینو د خبرونو دقیق، پر وخت، مسؤلانه خپرول او د ادارو د لاسته راوړنو رسنیز کول د رسنیز ډګر له لومړیتوبونو څخه وشمېرل.
ورته مهال د رسنیو مسؤلینو، خبریالانو او د امارتي ادارو ویاندویانو خپلې ستونزې او وړاندیزونه له مسؤلینو سره شریک کړل او مسؤلینو په رسنیز ډګر کې د لا زیاتو همکاریو په اړه ډاډ څرګند کړ.
۱۴۴۷/۷/۲۴ هـ ق
