د اطلاعاتو او فرهنګ ریاست مسؤولینو د میربچه کوټ ولسوالۍ له مسؤولینو سره د همغږۍ غونډه وکړه
د کابل د اطلاعاتو او فرهنګ رئیس میربچه کوټ او کوهدامن ولسوالیو ته د سفر په لړ کې له ولسوال او د کوهدامن د ورزشکارانو اتحادیې له مسؤلینو سره د همغږۍ غونډه وکړه.
د کابل د اطلاعاتو او فرهنګ ریاست رئیس د ځوانانو د فعالیتونو پر پیاوړتیا، د ورزشکارانو د ملاتړ او د اړوندو ادارو ترمنځ پر لا زیاتې همغږۍ او ګډې همکارۍ خبرې وکړې او په دې برخه کې یې د اطلاعاتو او فرهنګ ریاست د پوره همکارۍ ډاډ څرګند کړ.
همدارنګه، د میربچه کوټ ولسوالۍ ولسوال د کابل اطلاعاتو او فرهنګ ریاست له مسؤلینو او د ځوانانو او ورزشکارانو له اتحادیې سره د هر اړخیزې همکارۍ او همغږۍ ژمنه وکړه.
د کوهدامن ولسوالۍ د ورزشکارانو اتحادیې رئیس هم په خپلو خبرو کې د یادې اتحادیې تېرو فعالیتونو او خدمتونو ته اشاره وکړه او په یاده برخه کې یې د راتلونکو پلانونو یادؤنه او د همکارۍ غوښتنه وکړه.
د غونډې ګډونوالو د ځوانانو او ورزشکارانو د ظرفیت لوړونې، د دوی د ستونزو حل او د ګډو فعالیتونو د تنظیم په برخه کې د لا زیاتې همغږۍ پر اړتیا ټینګار وکړ.
۱۴۴۸/۳/۲۶ هـ ق
