سلګونو تنو ځوانانو ته د وړیا زده کړو زمینه برابره شوه
د پکتیا اطلاعاتو او کلتور ریاست په ګردیز او بېلابېلو ولسوالیو کې سلګونو تنو ځوانانو ته په وړیا ښوونيزو مرکزونو کې د زده کړو زمینه برابره کړې ده.
د مسؤلینو په وینا دا ځل په درې میاشتنۍ وړیا زده کړیزه دوره کې شاوخوا ۱۰۰۰ تنو ځوانانو ته د دیني، فکري، کمپیوټرپروګرامونو، انګلیسي ژبې، املا او انشاء ترڅنګ د ساینسي مضامینو د زده کړو زمینه برابره شوې ده.
د یادونې وړ ده، چې هم مهاله پکتیا کې رسنیزو سرغړونو ته د رسیدنې ولایتي کمېټې د همغږۍ ناسته هم شوې ده، په دې ناسته کې د یو شمېر ستونزو د حل په موخه د بحث ترڅنګ پریکړه وشوه، چې په نږدې راتلوونکې کې د سیمه ییزو رسنیو د کار کوونکو د ظرفیت لوړونې په موخه روزنیز پروګرامونه هم پلي شي.
۱۴۴۷/۷/۱۶ هـ ق
