خوست کې ځوانانو ته علمي سیمینار وړاندې شو
د خوست اطلاعاتو او کلتور رياست له لوري د الکوثر فکري او فرهنګي ادارې په همکارۍ د یاد ریاست د غونډو په تالار کې ګڼ شمېر ځوانانو ته علمي سیمینار وړاندې شو.
په دې سیمینار کې د اسلامي مذهبونو پر تاريخي شاليد، د مذهبونو پر اړتيا، د حنفي مذهب پر ځانګړتياوو او د امام ابو حنیفه (رحمه الله) د ژوند په اړه معلومات وړاندې شول.
مسؤلینو وويل: له ياد سيمينار څخه موخه ځوانانو ته د دين او مذهب د پاللو په اړه عامه پوهاوی ورکول، د حنفي مذهب د ځانګړنو او د امام ابو حنیفه (رحمه الله) د علمي ژوند په اړه معلومات ورکول وو.
مسؤلینو زیاته کړه؛ ورته علمي سیمینارونه کولای شي، ځوانانو ته خپل دیني او مذهبي مسير او ارزښتونه لا ډېر ور وپېژني او په ديني برخه کې يې له لار ورکۍ څخه وژغوري.
مسؤلینو ډاډ څرګند کړ، چې په بېلابېلو برخو کې به د ځوانانو علمي ظرفیت لوړولو په موخه لا زياتې هڅې وکړي.
۱۴۴۷/۸/۱۵ هـ ق
