پنجشېر کې ګڼ شمېر ځوانانو ته د وړیا زده کړو زمینه برابره شوه
د پنجشیر ولایت د اطلاعاتو او کلتور ریاست له لوري د روانو ژمنيو رخصتيو پرمهال دویم ځل لپاره سل تنو ځوانانو ته د انګلیسي ژبې د زده کړې وړیا مرکز پرانیستل شو.
مسؤلین وایي، دا ښوونیز مرکز تر دې وړاندې هم فعال و، چې له درېیو اونیو کمې وقفې وروسته یې بیا فعالیت پيل کړ، په دې مرکز کې به په معیاري توګه د انګلیسي ژبې زده کړې وړاندې شي.
ځوانانو د دې وړیا ښوونیز مرکز د جوړېدو له امله خوښي څرګنده کړه او غوښتنه یې وکړه، چې دغه ډول پروګرامونه دې د ولایت په نورو برخو کې هم جوړ شي.
۱۴۴۷/۷/۲۳ هـ ق
