زرنج ښار کې د عالیقدر اميرالمؤمنين (حفظهالله) د ۱۷مې ګڼې فرمان په اړه د عامه پوهاوي سیمینار وړاندې شو
د نیمروز اطلاعاتو او فرهنګ ریاست له لوري د عالیقدر امیرالمؤمنین (حفظهالله) د ۱۷مې ګڼې فرمان چې په ټولنه کې د ناوړه دودونو د مخنیوي په اړه صادر شوی دی، د ښه تطبیق په موخه د زرنج ښار بېلابېلو اقشارو ته يو ورځنی سیمینار وړاندې شو.
سيمينار کې د اطلاعاتو او فرهنګ رئیس مولوي حبيبالله الهام، د ځايي امارتي ادارو مسؤلینو، علمای کرامو، قومي مشرانو، فرهنګیانو او ځوانانو ګډون کړی و.
د اطلاعاتو او فرهنګ رئیس په اسلام کې د امیر د اطاعت او د امیرالمؤمنین(حفظه الله) د احکامو او فرامينو د ارزښت په اړه خبرې وکړې او ویې ویل: د الله تعالی اطاعت، د هغه د رسول اطاعت او د خپل مسلمان امیر اطاعت پر مسلمانانو واجب دی.
ښاغلي الهام زياته کړه؛ په ټولنه کې د عالیقدر امیرالمؤمنین (حفظهالله) احکام او فرامين ځانګړی ارزښت لري، په ځانګړي ډول د ۱۷ مې ګڼې فرمان چې عملي کول يې د هر افغان مسؤولیت دی، ځکه ددې فرمان په تطبيق سره د ټولنې ستونزې له منځه ځي او په ټولنه کې هوساینه رامنځته کیږي.
نورو ویناوالو هم د یاد فرمان په اړه هراړخیزې خبرې وکړې او ویې ویل: د ۱۷مې ګڼې فرمان د ټولنې ستونزو کمولو او اصلاح په موخه صادر شوی او پلي کول يې د ټولو افغانانو مسؤولیت دی، له یاد فرمان څخه موخه د ناوړه دودونو مخنيوی، د ټولنې اصلاح، د ټولنې اقتصادي او د اسلامي ارزښتونو پياوړتيا ده.
د غونډې ګډونوالو د نيمروز ولايت د اطلاعاتو او فرهنګ ریاست له دي اقدام څخه خوښي څرګنده کړه، او زیاته یې کړه؛ چې د ناوړو دودونو له منځه وړل، د ټولنې د هر فرد پخیر او د ټولو د خوښۍ لامل ګرځي او په ګډه به د ناوړه دودونو د مخنیوي لپاره کار کوو.
۱۴۴۷/۱۲/۲۰ هـ ق
