د (شیطان جزیره) په نوم د کتاب مخکتنه وشوه

wasim_admin
Wed, Nov 18 2026 3:52 PM
..

د اطلاعاتو او فرهنګ وزارت د فرهنګ او هنر معینیت اړوند د عامه کتابتونونو ریاست له لوري د عامه کتابتون په تالار کې د یوې فرهنګي غونډې په ترڅ کې د حریت خپرندویې ټولنې د تألیف شوي  (شیطان جزیره) په نوم د کتاب مخکتنه وشوه.
په دغې غونډه کې د عامه کتابتونونو رئیس دوکتور رفیع الله صمیم، د حریت خپرندویې ټولنې عمومي مسؤول محمدالله احساس، د یو شمېر امارتي ادارو مسؤلینو، دیني عالمانو، استادانو، لیکوالانو، څېړونکو، ادیبانو، ځوانانو، د علم او ادب مینه‌والو او خبریالانو ګډون کړی وو.
په پیل کې د عامه کتابتونونو رئیس دوکتور رفیع الله صمیم ګډونوالو ته د ښه راغلاست ترڅنګ وویل: د عامه کتابتونونو ریاست د دغو پروګرامونو په جوړولو سره هڅه کوي، چې په ټولنه کې د مطالعې فرهنګ پیاوړی کړي او ځوانان، څېړونکي او زده کړیالان مطالعې ته وهڅوي. نوموړي د دغه علمي کتاب د تألیف له امله د حریت خپرندویې ټولنې څخه مننه وکړه او له ګډونوالو یې وغوښتل، چې د کتابونو په ټاکنه کې دقت وکړي او په ټولنه کې د مطالعې فرهنګ د پیاوړتیا لپاره لا ډېرې هڅې وکړي.
دغه راز د حریت خپرندویې ټولنې عمومي مسؤول محمدالله احساس د (شیطان جزیره) کتاب د منځپانګې په اړه هر اړخیز معلومات وړاندې کړل او ویې ویل: دغه ټولنه هڅه کوي، چې د اسلامي او شرعي فکر لپاره کار وکړي او دغه فکر خلکو ته ورسوي. نوموړي زیاته کړه، چې د کتابونو د خپرولو له لارې غواړي د اسلام د سپېڅلي دین ښېګڼې نړۍ ته وروپېژني.
ورته مهال د افغانستان د علومو اکاډمۍ استازي ډاکټر نورمحمد محبي، د سیاسي چارو شنونکي قاضي حسن حقیار، د علومو اکاډمۍ د اسلامي بانکدارۍ رئیس مفتي محمدبشیر او د افغانستان د ازادو خبریالانو د ټولنې رئیس حجت‌الله مجددي د حریت خپرندویې ټولنې له لوري د دغه کتاب د تألیف له امله د مننې ترڅنګ، د کتاب د منځپانګې په اړه خبرې وکړې او د کتاب د لا بډاینې په موخه یې خپل اړین وړاندیزونه او سپارښتنې شریکې کړې.
یادو ویناوالو زیاته کړه، چې زموږ خلک تر بل هر وخت ډېر کتاب لوستلو او مطالعې ته اړتیا لري؛ ځکه مطالعه او کتاب لوستل د انساني ټولنې د جوړښت او پرمختګ بنسټ جوړوي.
د یادونې وړ ده، چې د (شیطان جزیره) کتاب کې بېلابېلې موضوعګانې بیان شوي دي، چې په کې لوېدیځ په کوم تمدن ویاړي؟، لوېدیځ د اپسټین په هنداره کې، د ګناه ټاپو او بشري حقونه، په لوېدیځ کې د ښځو حقونه او د جیفري اپسټین دوسیه، د اپسټین شبکه، د لوېدیځ اخلاقي بحران او د اپسټین قضیه او نورې اړوندې موضوعګانې شاملې دي.

۱۴۴۸/۶/۷ هـ ق

تازه ترین اخبار

Thu, Nov 12 2026 1:19 PM
Background image

Commission for the Reform of Signage and Advertising Boards Holds Advisory Meeting

The Commission for the Reform of Signage and Advertising Boards, which operates under the Deputy Ministry for Publications Affairs at the Ministry of Information and Culture, held an. . .

Thu, Nov 12 2026 12:36 PM
Background image

84 Archaeological Artifacts Handed Over to Afghanistan Museum

A total of 84 archaeological artifacts have been handed over to the Afghanistan Museum from the Central Laboratory of the Directorate of Archaeology, after the completion of. . .

Thu, Nov 12 2026 10:00 AM
Background image

Public Libraries Directorate Holds Session to Review Two Pashto-Translated Books

The Directorate of Public Libraries, under the Deputy Ministry for Arts and Culture of the Ministry of Information and Culture, held a session at the Public Libraries Hall to review two. . .

BACK TO NEWS