(د رڼا په لور ګډ سفر) په نوم لس ورځنی روزنیز سیمینار پای ته ورسیده
د غزني اطلاعاتو او کلتور ریاست له لوري ګڼ شمېر ځوانانو ته (د رڼا په لور ګډ سفر) په نوم لس ورځنی جوړ شوی روزنیز سیمینار پای ته ورسېده.
د اطلاعاتو او کلتور ریاست مسؤلین وايي؛ له دې ډول علمي پروګرامونو جوړولو څخه موخه د ځوانانو د استعدادونو پیژندنه، فکري پیاوړتیا او علمي ظرفیت لوړول دي، ځکه ځوانان د ټولنې مهم ځواک دی او باید د علم له لارې د هېواد په پرمختګ کې فعاله ونډه واخلي.
د مسؤلینو په وینا هڅه کیږي، چې په راتلونکي کې هم ورته روزنیز سیمینارونه جوړ شي، ترڅو ځوانانو ته د زده کړو او ظرفیت لوړونې لا ډېر فرصتونه برابر شي.
ورته مهال د سیمینار ګډونوالو دغه ډول سمینارونو جوړول مهم او ګټور وبلل او ویې ویل: په دې سیمینار کې مو د لسو بېلابېلو موضوعاتو په اړه اړین معلومات ترلاسه کړل، ګډونوالو له مسؤلینو څخه د ورته علمي پروګرامونو د پراختیا غوښتونکي شول.
۱۴۴۷/۹/۲۳ هـ ق
