پروان کې د سیکولریزم په اړه شپږ اونیو علمي سیمینار پای ته ورسېده
د اطلاعاتو او فرهنګ ریاست او د کلمات علمي او څېړنیزې ادارې لهخوا هغه شپږ اوونیز علمي سیمینار، چې د چاریکار ښار د ښوونځیو ۵۰ تنو وړ او لایقو زدهکوونکو ته د سیکولریزم د پایلو او منفي پدیدو د پېژندنې په موخه جوړ شوی و، نن د ازموینې له اخیستلو وروسته پای ته ورسېد او بریالیو زده کوونکو ته یې ډالۍ ورکړل شوې.
د پروان اطلاعاتو او فرهنګ رئیس وویل: له دې سیمینار څخه موخه ځوانان د فتنو او د سیکولریزم له منفي پایلو څخه خبرول و، ترڅو د دښمن په دوکو او چلونو ونه غولېږي. نوموړي ټینګار وکړ چې ځوانان باید خپله عقیده او جهادي روحیه پیاوړې کړي او د اسلام د لومړیو مجاهدینو په څېر د دین، عزت او د هېواد د ناموس دفاع وکړي. همداراز د اطلاعاتو او فرهنګ رئیس ډاډ څرګند کړ، چې د ځوانانو د پوهاوي او ذهني روزنې لپاره به ورته پروګرامونه په راتلونکي کې هم ترسره شي.
د سیمینار ګډونوالو د ایمان، توحید، اسلامي اخلاقو او د فکري جګړې پر وړاندې د پوهاوي اړوند موضوعاتو په اړه هراړخیز معلومات وړاندې کړل او له ځوانانو څخه یې وغوښتل چې د مطالعې او پوهې له لارې د منفي تبلیغاتو پر وړاندې ودرېږي او د ټولنې لپاره ښه بېلګه وګرځي.
همدارنګه، په غونډه کې لس تنه زده کوونکي د غوره زده کوونکو په توګه معرفي او وستایل شول.
