لغمان کې د سیاحتي شرکتونو له استازو سره د همغږۍ ناسته وشوه

wasim_admin
یکشنبه ۱۴۰۵/۹/۱ - ۱۳:۹
..

د لغمان ولایت د اطلاعاتو او فرهنګ ریاست مسؤلینو د دغه ولایت د سیاحتي شرکتونو له استازو سره د همغږۍ ناسته وکړه.
د اطلاعاتو او فرهنګ رئیس مولوي عبدالنور رسولي وویل: د سیاحت او ګرځندوی سکټور د هېواد د اقتصادي ودې، فرهنګي ارزښتونو د پېژندنې، د تاریخي او طبیعي سیمو د معرفي کولو په برخه کې مهم رول لري، د اطلاعاتو او فرهنګ ریاست هڅه کوي، چې د سیاحتي شرکتونو اړوندو ستونزو ته رسېدنه وکړي او د دوی د فعالیتونو د لا ښه تنظیم او پراختیا لپاره لازمې اسانتیاوې برابرې کړي.
ښاغلي رسولي زیاته کړه؛ ټول سیاحتي شرکتونه باید د اصولو مطابق خپلې چارې ترسره کړي، د بهرنیو سیلانیانو د جذب په برخه کې دې ټول شرکتونه کار وکړي او د لغمان مهمې سیاحتي سیمې دې هېوادوالو او نړیوالو ته ور وپېژني.
ورته مهال د سیاحتي شرکتونو استازو د خپلو ستونزو او غوښتنو د اورېدو لپاره د اطلاعاتو او فرهنګ ریاست له مشرتابه مننه وکړه او ویې ویل: سیاحتي شرکتونه د ګرځندوی د پراختیا، د سیاحتي سیمو د معرفي کولو او نورو برخو کې هڅې کوي او د اسلامي امارت د قوانینو په رڼا کې به خپلې چارې پرمخ بیایي.

۱۴۴۸/۶/۱۱ هـ ق

تازه خبرونه

یکشنبه ۱۴۰۵/۹/۱ - ۱۵:۱۶
Background image

د نیمروز او سمنګان ولایتونو د اطلاعاتو او فرهنګ ریاستونو ته جهادي آثار وسپارل شول

د نیمروز ولایت د اطلاعاتو او فرهنګ ریاست اړوند جهادي موزیم ته د یاد ولایت د جهادي قومندان مولوي محمد اسماعیل (خالد عمر) له لوري یوه تاریخي وسله، چې د MG 34 (Maschinengewehr 34) په نوم. . .

یکشنبه ۱۴۰۵/۹/۱ - ۱۴:۲۳
Background image

د ځوانانو چارو رئیس د WCC مؤسسې له مسوول سره لیدنه وکړه

د اطلاعاتو او فرهنګ وزارت د جهادي آثارو د ساتنې عمومي ریاست اړوند د ځوانانو چارو رئیس مولوي سید محمد داوود آغا هاشمي، د WCC مؤسسې له مسؤل بصیر میاخیل سره په خپل کاري دفتر کې لیدنه وکړه.. . .

یکشنبه ۱۴۰۵/۹/۱ - ۱۳:۹
Background image

لغمان کې د سیاحتي شرکتونو له استازو سره د همغږۍ ناسته وشوه

د لغمان ولایت د اطلاعاتو او فرهنګ ریاست مسؤلینو د دغه ولایت د سیاحتي شرکتونو له استازو سره د همغږۍ ناسته وکړه.
د اطلاعاتو او فرهنګ رئیس مولوي عبدالنور رسولي وویل: د سیاحت او ګرځندوی. . .

BACK TO NEWS