د "زن، فرهنګ او صد سال" سمينار د جوړولو لپاره د تياري غونډه جوړه شوه
د اطلاعاتو او فرهنګ وزارت د سرپرستې حسينې ساپۍ په مشرۍ نن د "زن، فرهنګ او صد سال" د علمي او څېړنيز سمينار د جوړولو لپاره د تياري غونډه جوړه شوه.
د باختر آژانس خبريال د خبرله مخې: په دې غونډه کې چې د دولتي او خصوصي په ګډون د ښځو د بېلابېلو بنسټونو د يو شمېر مسوولينو او استازو په ګډون جوړه شوه؛ د "زن، فرهنګ او صد سال" علمي او څېړنيز سمينار د لاښه ترسره کولو په موخه د لازم تياري په باره کې خبرې وشوې.
دغه راز برخه والو په ښه توګه د دغه سمينار د ترسره په لاره کې خپلې نظريې، طرحې او پيشنهادونه وړاندې کړل او د لازم تياري په خاطر يې د خپلو هڅو ډاډ ورکړ.
حسيني ساپۍ هم تينګار وکړ چې په سمينارکې بايد په تېرو سلو کلونوکې په بېلابېلو برخو په تېره بيا فرهنګي برخه کې د هېواد د ښځو فعاليتونه، مبارزې او رول په رښتيني توګه منعکس کړى شي او سمينار بايد په پرتم سره ترسره شي.
