د لوحو او تبلیغاتي اعلاناتو د اصلاح کمېسيون د کابل ښار له څلورمې ناحيې څارنه وکړه
د لوحو او تبلیغاتي اعلاناتو د اصلاح کمېسیون د کابل ښار د څلورمې ناحیې اړوند د شهر نو ګل فروشۍ کوڅې له لوحو او تبلیغاتي اعلاناتو څخه څارنه وکړه.
د دې څارنې او اصلاحي بهیر په پیل کې د یادې سیمې د اهمیت، او د لوحو او تبلیغاتي اعلاناتو د اصلاح او څارنې د څرنګوالي په اړه له رسنیو او اصنافو سره خبرې وشوې.
همدارنګه، د غیرمعیاري لوحو او تبلیغاتي اعلاناتو لپاره د کمیسیون د مسلکي غړو له لوري د هېواد په ملي ژبو بدیلونه وړاندې شول او د ځینو لپاره اصلاحی وړاندیزونه هم وشول.
د یادونې وړ ده چې په دې بهیر کې له (۱۹۳) څخه د زیاتو لوحو او تبلیغاتي اعلانوناتو څارنه او اصلاح وشوه.
۱۴۴۷/۷/۱۶ هـ ق
