د پنجشېر د اطلاعاتو او کلتور رئیس له یو شمېر ځوانانو سره ولیدل

د پنجشېر ولایت د اطلاعاتو او کلتور رئیس مولوي نصرالله ملک زاده د پنجشېر ولایت مرکز بازارک او اووګونو ولسوالیو له یو شمېر ځوانانو سره ولیدل.
د اطلاعاتو او کلتور رئیس په دې لیدنه کې د ځوانانو له فعالیتونو او هڅو څخه خوښي وښوده او د ځوانانو رول یې د دیني او ملي ارزښتونو په ساتنه او په ټولنه کې د سالم کلتور د ترویج په برخه کې مهم او اغیزمن وباله.
ښاغلي ملک زاده زیاته کړه، چې د اطلاعاتو او کلتور ریاست د ځوانانو له فرهنګي نوښتونو څخه هر اړخیز ملاتړ کوي او د دوی د فعالیتونو د ودې لپاره به لاغوره زمینه برابره کړي. 
په دې ناسته کې ځوانانو هم خپل نظریات، وړاندیزونه د اطلاعاتو او کلتور ریاست سره شریک کړل او په فرهنګي فعالیتونو کې د دې ریاست د لا زیاتې همکارۍ غوښتونکي شول، چې د اطلاعاتو او کلتور رئیس له خوا د هر اړخیزې همکارۍ ډاډ ورکړل شو.
۱۴۴۷/۲/۳۰ هـ ق