د پروان اطلاعاتو او فرهنګ ریاست ښوونیز مرکز څخه لسګونه ځوانان فارغ شول
د پروان ولایت د اطلاعاتو او فرهنګ ریاست د ځوانانو چارو آمریت اړوند ښوونیز او روزنیز مرکز څخه لسګونه ځوانان د « حلالې سوداګرۍ او کسبوکار » تر چتر لاندې د ۱۵ ورځني روزنیز سمینار له بشپړولو وروسته فارغ شول.
د فراغت په مراسمو کې د پروان اطلاعاتو او فرهنګ ریاست د ځوانانو چارو آمر ځوانانو ته په وینا کې وویل: هر وګړی باید په ژوند کې مشخصه موخه وټاکي او د خپلو موخو د ترلاسه کولو لپاره هڅې وکړي، څو په ژوند کې د پرمختګ او مثبت بدلون زمینه ورته برابره شي.نوموړي له ځوانانو وغوښتل چې تاسو زدهکړو او پرمختګ لپاره څېړنه او هڅې وکړئ او په خپل مسلکي ژوند کې د نوښتونو او مثبتو بدلونونو لپاره هلو ځلو ته دوام ورکړئ.
د ځوانانو چارو آمر ډاډ ورکړ، د اطلاعاتو او فرهنګ ریاست ژمن دی چې ځوانانو ته په بېلابېلو برخو کې په وړیا توګه د زدهکړو زمینه برابره کړي، او هوډ لري، چې د یوه مجرب ښوونکي له لوري د درېیو میاشتو لپاره د کمپیوټر زدهکړې هم په وړیا توګه برابرې کړي.
فارغو شوو ځوانانو د پروان د اطلاعاتو او فرهنګ ریاست له لوري د ورته ښوونیزو او روزنیزو پروګرامونو له جوړېدو مننه وکړه او دغه پروګرام یې د دوی د مسلکي او شخصي پرمختګ لپاره ګټور وباله.
١٤٤٨/٤/٢ ه ق
