د امارتي ادارو ویاندویانو او د رسنیو استازو سره د همغږۍ ناسته وشوه
ارزګان کې د امارتي ادارو ویاندویانو او رسنیو استازو سره، په رسنیزو چارو کې د همغږۍ د لاپیاوړتیا په موخه ناسته وشوه.
مسؤلینو د رسنیو استازو څخه د بې طرفه او متوازنو راپورونو خپرولو په موخه مننه وکړه او زیاته یې کړه؛ رسنۍ د ولس سترګې، غوږونه او ژبه ده، باید د خبریالانو د ګمارلو پروسه د رسنیو د قانون تر چتر لاندې ترسره شي، دوی د رسنیو له استازو څخه وغوښتل، چې د ولس غږ په نامه یوه ګډه خپرونه جوړه کړي، ترڅو ټولې ادارې ولس ته د خپلو فعالیتونو، ستونزو او لاسته راوړنو په اړه په مستقیمه توګه معلومات وړاندې کړي.
د ناستې ګډونوالو په خپلو خبرو کې یادونه وکړه، چې معلوماتو ته په وخت لاسرسی د ولس د باور جوړولو لپاره اړین دی او د دې ډول ناستو دوام د ستونزو د مخنیوي په موخه مهم دي.
۱۴۴۷/۷/۱۳ هـ ق
