د اطلاعاتو او کلتور ریاست کې د رسنیو مسؤلینو سره میاشتنۍ ناسته وشوه
د سمنګان د اطلاعاتو او کلتور ریاست له لوري، د خبریالانو د خوندیتوب ولایتي کمېټې په همغږۍ د رسنیو له مسؤلینو سره میاشتنۍ ناسته وشوه.
مسوولینو د واقعیتونو د کره، روښانه او مسوولانه انعکاس په برخه کې د رسنیو پر مهم رول ټینګار وکړ او ویې ویل: د امارتي ادارو او رسنیو ترمنځ همکارۍ د پوهاوي د زیاتوالي او متقابل باور د پیاوړتیا لامل ګرځي.
په سمنګان کې د خبریالانو د خوندیتوب کمېټې ولایتي مسؤل د خبریالانو د کاري ننګونو په اړه خبرې وکړې او زیاته یې کړه؛ د ۲۰۲۶ میلادي کال لپاره د خبریالانو د کاري وضعیت د ښه والي په موخه حمایوي او روزنیز پروګرامونه په پام کې نیول شوي دي.
د ناستې په پای کې یو شمېر خبریالانو د رسنیو د وضعیت په اړه خپل نظرونه او وړاندیزونه شریک کړل.
۱۴۴۷/۷/۲۸ هـ ق
