د کتاب ارزونې کمېسيون نوبتي غونډه ترسره شوه
دوشنبه (۱۴۴۸ د صفرالمظفر ۱۹مه) د اطلاعاتو او فرهنګ وزارت د خپرونو چارو معینیت اړوند د کتاب ارزونې کمېسیون نوبتي غونډه د خپرونو چارو معین ښاغلي مهاجر فراهي په مشرۍ ترسره شوه.
په دې غونډه کې د یو شمېر کتابونو په اړه پرېکړې وشوې او هغه کتابونه چې د اسلامي او افغاني ارزښتونو سره سم لیکل شوي وو، د چاپ اجازه یې ترلاسه کړه.
همدارنګه د ۲۶ بېلابېلو عنوانونو درلودونکي ۲۹ ټوکه صادر او وارد شوي کتابونه وارزول شول او ۱۰ ټوکه راجع شوي کتابونه د کمېسیون غړو ته وسپارل شول، ترڅو، په راتلونکې ناسته کې یې راپور وړاندې کړي.
په دې ناسته کې د یو شمېر خپرندویانو ترمنځ د حقوقي ستونزو او همدارنګه د کتابونو د چاپ او خپرولو په برخو کې د کاغذ، رنګ، پوښ او نورو اړینو توکو د بیو د راکمولو د غوښتنو په اړه بحث او په اړه یې لازمې پرېکړې وشوې.
د ناستې په پای کې د خپرونو چارو معین ښاغلي مهاجر فراهي له لوري د ارشاد، حج او اوقافو وزارت استازي مولوي عبدالناصر رقیب څخه چې په یاد کمېسیون کې یې ارزښتمن فعالیتونه او همکارۍ ترسره کړي و د ستاینلیک په ورکړې سره قدردانۍ وشوه.
