دایکندي کې سلګونو تنو ځوانانو ته د وړیا زده کړو زمینه برابره شوه
د دایکندي د اطلاعاتو او کلتور ریاست د روان ژمي موسم په لړ کې د ولایت په کچه ۶۸۰ تنو ځوانانو ته د وړیا زده کړو زمینه برابره کړې ده.
د اطلاعاتو او کلتور ریاست مسوولینو د ځوانانو لپاره د علم زده کړه مهمه وبلله او زیاته یې کړه؛ ریاست د خپلو ښوونیزو پروګرامونو د لړۍ په دوام، په ژمي کې شاوخوا ۶۸۰ تنو ځوانانو ته د وړیا زده کړو زمینه د دې ریاست په وړیا ښوونیز مرکز او همدارنګه د دایکندي د ولسوالیو په کچه له ښوونیزو مرکزونو سره د هوکړه لیکونو له لارې برابره کړې ده.
مسؤلینو زیاته کړه؛ د اطلاعاتو او کلتور ریاست تل هڅه کوي، تر څو په دایکندي ولایت کې د ځوانانو ملاتړ وکړي.
۱۴۴۷/۸/۱۲ هـ ق
