د اطلاعاتو او کلتور وزارت مسؤلینو د آیسسکو ناسته کې ګډون وکړ

د اطلاعاتو او کلتور وزارت اړوند د ملي آرشیف رئیس قاري عبیدالله حنیف او د یاد وزارت د بهرنیو اړیکو او فرهنګي آتشو رئیس محمد شفیق احمدزي د اسلامي نړۍ د تعلیمي، علمي او فرهنګي سازمان آیسسکو له خوا د اسلامي خطي نسخو په اړه جوړې شوې علمي ناستې کې آنلاین ګډون وکړ.
دغه ناسته د اسلامي نړۍ د تعلیمي، علمي او فرهنګي سازمان آیسسکو د خطاطۍ او خطي نسخو مرکز له لوري (په نړۍ کې اسلامي نسخې) تر سرلیک لاندې د مالي هېواد د خطي نسخو په اړه جوړه شوې وه، چې موخه یې په ټوله نړۍ کې د اسلامي نسخو حالت سروې کول، په هر هېواد کې د اسلامي خطي نسخو شتون په اړه دقیق معلومات ترلاسه کول او د مالي هېواد د خطي نسخو د ساتنې په اړه بحث کول وو.
په ناسته کې د اسلامي نړۍ تعلیمي، علمي او کلتوري سازمان آیسسکو عمومي رییس وویل: مالي هېواد د خپلو سلګونو زرو خطي نسخو سره، د یوې کمیاب فکري او تاریخي خزانې استازیتوب کوي چې په لویدیځه افریقا کې د اتو پېړیو څخه زیات د اسلامي تمدن او فکر مستند کوي.
نوموړي د دې ارزښتنمنو میراثونو د ساتنې پر اهمیت ټینګار وکړ او زیاته یې کړه، چې په دې غونډه کې د مالي هېواد د نسخو غوره کول د دې هېواد د خطي نسخو اهمیت څرګندوي.

۱۴۴۷/۱۱/۲۳ هـ ق