بدخشان کې ځوانانو ته علمي سیمینار وړاندې شو
د بدخشان د اطلاعاتو او کلتور ریاست مسؤلینو (ځوانان، فرصتونه، امکانات، ستونزې او راتلونکی لید) تر سرلیک لاندې علمي سیمینار کې د ځوان نسل پر پوهاوي، ظرفیت لوړونې او فکري جوړونې ټینګار وکړ.
دغه سیمینار کې یو شمېر ځوانانو، استادانو او مسؤلینو ګډون کړی و، چې موخه یې د ځوانانو پر وړاندې د فرصتونو او ستونزو ارزونه او د ځوانانو د راتلونکی مسیر ټاکل وو.
مسؤلینو وویل: د اطلاعاتو او کلتور ریاست اړوند ښوونیز مرکز کې اوس مهال د دیني زدهکړو تر څنګ، څه باندې ۴۰۰ ځوانانو ته د عصري علومو زده کړې هم ورکول کیږي. د مسؤلینو په وینا؛ له دغه ډول پروګرامونو څخه موخه د غوره راتلونکي لپاره د ځوانانو چمتو کول دي.
ورته مهال د سیمینار وړاندې کوونکو وویل: د یاد سیمینار اساسي موخه د پوهاوي رامنځته کول او د ځوان نسل لپاره د یو متوازن فکري چاپېریال جوړول دي. ځوانان باید دیني مفاهیم په سمه توګه درک کړي او د نننۍ عصر د واقعیتونو په پېژندلو سره خپلې دندې د فرد، کورنۍ، ټولنې او بشریت په وړاندې په شعوري ډول ترسره کړي.
یو شمېر ګډونوالو هم د دې ډول رورنیز پروګرامونو هرکلی وکړ او د ورته نورو پروګرامونو د جوړولو غوښتنه یې هم وکړه. ګډونوالو له نورو ځوانانو څخه وغوښتل چې له شته فرصتونو څخه په سمه توګه ګټه واخلي او خپل وخت په ګټورو فعالیتونو کې تیر کړي.
۱۴۴۷/۱۱/۱ هـ ق
