حسينه ساپۍ: د ټوليزو رسنيو د پاليسۍ په مسوده کې بايد د رسنيزو بنسټونو او د رسنۍ د کارکوونکو نظر واخيستل شي
د اطلاعاتو او فرهنګ وزارت د سرپرستې حسينې ساپۍ په مشرۍ نن د رسنيو د عالي شورا فوق العاده غونډه جوړه شوه.
د باختر آژانس خبريال د خبر له مخې: په دې غونډه کې د " ټوليزو رسنيو د پاليسۍ د مسودې په اړه د نظرغوښتنې او مشورتي غونډې" د جوړولو په اړوند خبرې وشوې.
دغه راز د رسنيو د عالي شورا غړيو د دې غونډې په اړوند خپلې نظريې او وړانديزونه څرګند کړل.
حسينې ساپۍ څرګنده کړه چې "د ټوليزو رسنيو د پاليسۍ د مسودې په اړه د نظرغوښتنې او مشورتي غونډه کې" بايد د دغې پاليسۍ د بډاينې په موخه د رسنيزو بنسټونو، د رسنۍ د کارکوونکو او د نظر د خاوندانو نظريې واخيستل شي.
دغه راز هغې د دغې غونډې پر ډېر ژر جوړولو چې ټاکل شوې ده په راتلونکې اوونۍ کې په کابل کې جوړه شي، ټينګار وکړ.
کابل/ د مر ومي ٢٤مه/ باختر
