د حسن قرائت سیالي مخکښ ګډونوال وستایل شول
د روزګان اطلاعاتو او کلتور ریاست له لوري د الرباط فکري او فرهنګي ادارې په همکارۍ د حسن قرائت سیالي چې د ۲۰ تنو حافظانو ترمنځ ترسره شوې وه، ۹تنه مخکښ ګډونوال یې په بېلابېلو معنوي او مادي ډالیو وستایل شول.
مسؤلینو د قرآنکریم د عظمت، د تلاوت ارزښت او د اسلامي ټولنو په روزنه کې د قرآني علومو پر رول ټینګار وکړ او ویې ویل: د حسن قرائت دا ډول سیالۍ نه یوازې د حافظانو ترمنځ سالم رقابت رامنځته کوي، بلکې ځوان نسل د قرآن کریم له پیغام سره لا ښه بلدوي.
مسؤلینو زیاته کړه؛ د اطلاعاتو او کلتور ریاست هڅې کوي، چې دیني، فرهنګي او علمي پروګرامونه لا ډېر، منظم او دوامدار کړي او ځوانانو ته د استعدادونو د څرګندولو مناسب فرصتونه برابر کړي.
۱۴۴۷/۹/۲ هـ ق
