د نیمروز د اطلاعاتو او فرهنګ رئیس له یوشمېر ځوانانو سره وکتل

rahmatullah
یکشنبه ۱۴۰۱/۱۱/۱۶ - ۲۰:۵۴
لرلطا

 

نن یکشنبه ۱۴۴۴/۷/۱۴ هـ ق د نيمروز ولايت د اطلاعاتو او فرهنګ رئيس مفتي حبيب‌الله "الهام" به خپل کاري دفتر کط د زرنج ښار له یوشمېر ځوانانو سره وکتل، چې پر مهال یې د یاد رياست د ځوانانو مدير مولوي نعمت‌الله "محمدي" هم حضور درلود.
غونډه د قرآن کریم په څو مبارکو آیتونو  پیل شوه.
 ورپسې د نيمروز د اطلاعاتو او فرهنګ رئيس مفتي حبيب‌الله "الهام" د ټولنې په اصلاح او ښه‌والي کې د ځوانانو رول مهم وباله او ويې‌ويل، چې پياوړي ځواک‌لرونکي ځوانان و ټولنې ته د اصلاحي پيغامونو په رسولو کې اغېزمن رول لوبولی سي. 

ښاغلي الهام د دغه رياست د فعاليتونو په اړه ځوانانو ته معلومات ورکړل او زياته يې کړه، چې د نيمروز ولايت د اطلاعاتو او فرهنګ رياست رهبري د ځوانانو د ظرفيت لوړولو په موخه په بېلابېلو برخو کې ښوونيز کورسونه جوړ کړي او همداراز په نیمروز او د هېواد په مرکز  کې د خصوصي پوهنتونونو سره د ځوانانو لپاره د خاصو تخفیفونو په موخه، تفاهم ليکونه لاسليک کړي دي ترڅو ځوانان ترې برخمن شي.
ښاغلي رئیس زیاته کړه، چې له يادې غونډې څخه یې موخه همغږی، د ستونزو اورېدل او د ځوانانو د نظریاتو او وړانديزونو اورېدل دي.

په دې غونډه کې يو شمېر ځوانانو په دې برخه کې خپلې ستونزې، وړانديزونه او د حل‌لارې چارې شريکې کړې او د نيمروز د اطلاعاتو او فرهنګ رياست له مشرتابه‌ څخه یې د پاملرنې غوښتنه وکړه.
همداراز د يادې  ادارې د ځوانانو مدیر، مولوي نعمت‌الله "محمدي" هم له ځوانانو څخه په علمي، فرهنګي او ټولنيزو برخو کې د لا زياتې همکارۍ او فعاليتونو غوښتنه وکړل.
په ناسته کې د غونډې د دوام او لازیاتې همغږۍ په موخه اړوند تصامیم ونیول سول.
غونډه په دعا پای ته ورسېده.

تازه خبرونه

دوشنبه ۱۴۰۳/۳/۷ - ۲:۰
Background image

خبريالانو او د رسنيو مسؤلينو د اسلامي امارت له مرستو څخه خوښي څرګنده کړه

شنبه ( ۱۶ ذوالقعده ۱۴۴۵ )  جوزجان ولايت کې د افغانستان د خبریالانو د خوندیتوب کمیټې په همکارۍ د پیام بانو راډیو له خوا د (خبريالانو خونديتوب) تر سرلیک لاندې راډيويي مرکه پیل شوه او یادې. . .

یکشنبه ۱۴۰۳/۳/۶ - ۱۵:۴۶
Background image

د غور ولايت د اطلاعاتو او فرهنګ رئيس له جام منار څخه ليدنه وکړه

شنبه ( ۱۶ ذوالقعده ۱۴۴۵ ) د غور ولایت د اطلاعاتو او فرهنګ رئیس مولوي عبدالحی زعیم د يو شمېر نورو مسؤلينو ترڅنګ د شهرک ولسوالۍ له دوو کلیو (جام منار، بیدان )  څخه لیدنه وکړه.

نوموړي په. . .

یکشنبه ۱۴۰۳/۳/۶ - ۱۳:۰
Background image

ډايکنډي کې له سيمه ئيزو رسنيو څخه څارنه وشوه

شنبه ( ‌۱۶ ذوالقعده ۱۴۴۵ ) دايکنډي ولايت د اطلاعاتو او فرهنګ رئیس سید مصطفی صالح د اطلاعاتو آمر ضیا محمد هاشمي په ملتيا د دایکنډي په مرکز شهرنيلي کې له فعاله محلي رسنیو څخه څارنه وکړه.

. . .

BACK TO NEWS