د ځوانانو چارو معین د علیشنګ کلي له ځوانانو سره ولیدل
د اطلاعاتو او کلتور وزارت د ځوانانو چارو معین مولوي محمد یونس راشد لغمان ته د خپل سفر په ترڅ کې د اطلاعاتو او کلتور ریاست د مسؤلینو په ملتیا د علیشنګ د رضاکاره ځوانانو د ټولنې له غړو سره ولیدل.
د علیشنګ د ځوانانو مشر سید حیدر باچا له ښاغلي معین صاحب څخه مننه وکړه، چې د ځوانانو ستونزې او وړاندیزونه له نږدې اوري او له ځوانانو سره د لا ښه همغږۍ لپاره بېلابېلو سیمو ته سفرونه کوي، نوموړي د علیشنګ د رضاکاره ځوانانو د فعالیتونو او پرمختګونو په اړه هر اړخیز معلومات وړاندې کړل.
په ورته وخت کې د ځوانانو چارو معین مولوي محمد یونس راشد د علیشنګ د ځوانانو هڅې وستایلې او د هغوی د هڅونې او ظرفیت لوړونې په موخه یې لپ ټاپ کمپیوترونه او نغدي مرسته هم وکړه او ډاډ یې ورکړ چې د ځوانانو لپاره به نورو برخو کې هم اسانتیاوې برابرې او وړاندېزونو او ستونزو ته به یې رسېدنه وشي.
۱۴۴۷/۴/۱۸ هـ ق
