سلګونو تنوزده کوونکو ته د زده کړو زمینه برابره شوه
د هلمند اطلاعاتو او کلتور ریاست اړوند وړیا ښوونیز مرکز په اتمې دورې کې شاوخوا ۷۹۰ تنو زده کوونکو ته د کمپیوټر، عربي او انګلسي ژبو په برخو کې د د وړیا زده کړو زمینه برابره شوه.
د اطلاعاتو او کلتور ریاست مسؤلینو وویل: په دې ښوونیز مرکز کې زده کوونکو ته د نظري زده کړو ترڅنګ عملي زده کړې هم ورکول کېږي او له ټولو زده کوونکو څخه مو غوښتنه ده، چې خپلو درسونه کې پوره هڅه وکړي او خپل علمي ظرفیت لوړ کړي.
دغه راز د یاد ښوونیز مرکز زده کوونکو د اطلاعاتو او کلتور ریاست څخه د یادو خدماتو برابرولو له امله مننه وکړه او د دغو خدماتو د لا پراختیا او پیاوړتیا غوښتونکي شول.
۱۴۴۷/۱۰/۲۵ هـ ق
