لسګونه تنه ځوانان له وړیا ښوونیز مرکز څخه فارغ شول
د فراه اطلاعاتو او کلتور رياست اړوند وړيا ښوونیز مرکز د کمپيوټر څانګې له اووم پړاو شپږ میاشتنیو زده کړو څخه لسګونه تنه ځوانان فارغ شول.
د اطلاعاتو او کلتور ریاست مسؤلینو د دیني علومو ترڅنګ د عصري علومو پر زده کړو ټینګار وکړ او ویې ویل: اوسنی عصر کې د خپلو موخو ترلاسه کول او ټولنې ته خدمت کولو په پار دیني او عصري علومو زده کړې مهمې دي، مسؤلینو له ځوانانو څخه وغوښتل، چې نور ځوانان هم زده کړو ته وهڅوي.
دغه راز ځوانانو په زده کړيز ډګر کې د اطلاعاتو او کلتور رياست له ترسره کړیو هڅو څخه مننه وکړه او ویې ویل: چې د علومو زده کړې د ولسونو د بریا راز دي.
۱۴۴۷/۱۰/۱۸ هـ ق
