لسګونو ځوانانو د کمپیوټر پروګرامونو په برخو کې زده کړې حاصلې کړې
د ننګرهار اطلاعاتو او کلتور ریاست مسؤلین وایي: چې د دې ریاست اړوند ښوونیز مرکز له نهمې دورې د کمپيوټر زده کړې شپږ میاشتنیو ټولګیو څخه ۸۰ تنه ځوانان فارغ شول.
مسؤلینو زیاته کړه؛ اوس مهال هم په یاد مرکز کې سلګونو تنو نورو ځوانانو ته د اسلام پوهنې، فکري روزنې، کمپیوټر او بېلابېلو مسلکي برخو کې وړیا زده کړې ورکول کیږي او هڅې روانې دي، چې په راتلونکې کې لا زیاتو ځوانانو ته د ورته پروګرامونو زمینه برابره شي.
دغه راز مسؤلینو زیاته کړه؛ د هېواد د آبادۍ او پرمختګ په پار لوستو او مسلکي ځوانانو ته جدي اړتیا ده، د اطلاعاتو او کلتور رياست ژمن دی او هڅې کوي، چې ځوانانو لپاره په بېلابېلو برخو کې د وړيا زده کړو لا پراخه او غوره زمينه برابره کړي.
۱۴۴۷/۸/۱۴ هـ ق
