پکتیا او نیمروز ولایتونو کې خبریالانو ته روزنیز سیمینارونه وړاندې شول
د پکتیا او نیمروز ولایتونو د اطلاعاتو او کلتور ریاستونو او د افغانستان ژورنالیستانو خپلواکې ټولنې له لوري د خبریالانو د ظرفیت لوړونې په موخه روزنیز سیمینارونه وړاندې شول.
مسؤلینو د رسنیو پر ارزښت او مسؤلیتونو خبرې وکړې او زیاته یې کړه؛ رسنۍ او خبریالان د ټولنې عامه اذهانو په جوړولو کې مهم رول لري، له دغه ډول سیمینارونو څخه موخه د عامه افکارو جوړونې او روزنې لپاره د خبریالانو روزل دي.
مسؤلینو زیاته کړه؛ د خبریالانو ظرفیت لوړونې او مسلکي روزنې لپاره ورته نور پروګرامونه هم په پام کې لري.
خبریالانو یاد سیمینار په کاري ساحه کې ګټور او مهم وباله او له اړوندو ادارو څخه یې غوښتنه وکړه، چې د خبریالانو مسلکي روزنې لپاره اړتیا ده، دغه ډول نور پروګرامونه هم جوړ شي.
د یادونې وړ ده، چې په دغو روزنیزو سیمینارونو کې خبریالانو ته د چاپېریال ساتنې اړوند موضوعاتو، روغتیايي ژورنالېزم، د خبر د کرهکتنې، د ژورنالېزم اخلاقو، حقیقت موندنې او ډیجیټلي امنیت په اړه معلومات وړاندې شول.
۱۴۴۷/۸/۲۶ هـ ق
