د جبل السراج ماڼۍ د بيا رغاونې کار په نږدې راتلونکې کې بشپړېږي
د جبل السرج د تاريخي ماڼۍ د بيا رغاونې کار په بيړه دوام لري او په نږدې راتلونکې کې بشپړېږي .
د باختراژانس د خبريال د خبرله مخې، د پروان والي فضل الدين عيار په داسې حال کې چې د جبل السراج ولسوال سيف الله بيدار اود دغه ولايت يوشمېر سيمه ييز مسوولين ورسره وو پرون د دغې ماڼۍ د بيا رغاونې د کار بهير وکوت.
هغه وويل: دغه تاريخي ماڼۍ د دې تر څنګ چې د دغه ولايت د تاريخي هويت او تمدن ښکارندوى ده، کورنيو او بهرنيو سيلانيانو ته مناسب ځاى هم دى.
د پروان د اطلاعاتو او فرهنګ رييس عبدالواحد هاشمي د ساختماني پروژې د مسوولينو کار او هلې ځلې وستايلې او ستاين ليکونه يې ورکړل .