لوګر کې له ملي راډیو تلویزیون او یوې خصوصي راډیو څخه لیدنه وشوه

د لوګر ولايت د اطلاعاتو او کلتور رئیس مولوي فیض الله جوهري د يوه پلاوي په ملتیا له ملي راډیو تلویزیون او یوې خصوصي راډیو څخه لیدنه وکړه.
د د یادو رسنيو مسؤلينو د خپلو لاسته راوړنو، فعاليتونو، پروګرامونو، ستونزو او د رسنیز ډګر د پراختیا په اړه هر اړخيز معلومات شريک کړل، تر څنګ يې ډاډ ورکړ، چې لا هڅه کوي، ترڅو ټول پروګرامونه د ټولنې د مثبت بدلون او غوښتنې مطابق چمتو او وړاندې کړي، د دوی په وينا؛ دا مهال د ځوانانو فکري رغښت برخه کې رسنیو لپاره ښه فرصتونه شته، هڅه کوي چې له یادو فرصتونو څخه ښه ګټه پورته کړي.
د اطلاعاتو او کلتور رئیس مولوي فیض الله جوهري په لوګر کې د ټولو رسنیو او خبریالانو له هلو ځلو مننه وکړه او ويې ويل: رسنۍ په ټولنه تاثیرات لري، کولای شي د فکري یرغل پر وړاندې رغنده رول ولوبوي، همدا راز په ټولنه کې ناسم رواجونه شتون لري، چې د له منځه وړلو برخه کې یې د رسنیو رول ډېر اړین او ارزښتناکه دی.
 نوموړي د رسنیو مسوولینو ته ډاډ ورکړ، چې د رسنیو ملاتړ او ستونزو د حل برخه کې هر ډول همکارۍ ته چمتو دی.

۱۴۴۷/۲/۹ هـ ق