د امارتي ادارو ویاندویانو او د عامه اړیکو مسؤولینو لپاره یو ورځنی علمي سمينار تر سره شو
د بلخ ولایت د اطلاعاتو او کلتور ریاست له لوري، د ملکي او نظامي ادارو ویاندویانو او د عامه اړیکو مسؤولینو لپاره یو ورځنی علمي او مسلکي روزنیز سمینار جوړ شو.
د اطلاعاتو او کلتور رئیس مولوي محمداللّٰه ضرار د ویاندویانو پر شرعي مسئولیت، د اسلامي امارت د نشراتي تګلارې د ارزښت او اهميت په هکله هر اړخیزه وينا وکړه او له ټولو مطبوعاتي مسئولینو یې غؤښتنه ؤکړه، چې تر هرڅه باید لومړی د اسلامي امارت پالیسۍ ته ژمن اووسي.
د ښاغلي ضرار په خبره ویاندویان د یوې ادارې او ولس ترمنځ د پول حیثیت لري، د امارتي ادارو وياندویان بايد د نظام پیغام او لاسته راوړنې په سمه او حقيقي بڼه تر خلکو ورسوي.
د اطلاعاتو او کلتور رياست اړوند د اطلاعاتو آمر او د سیمینار نورو وړاندې کوونکو معلوماتو ته د لاسرسي په برخه کې د امارتي ادارو ویاندویانو او د عامه اړیکو د مسؤلینو پر رول، مسئولیت او اهميت خبرې وکړې او هره اداره کې یې د وياند او مطبوعاتي مسئول پر شتون ټينګار وکړ او د سمینارو وړاندې کوونکو له لوري بېلابېلو نشراتې موضوعاتو په اړه هم معلومات وړاندې شول.
د یادونې وړ ده، چې د سمينار ګډونوالو دغه روزنیز سمينار مهم او ګټور وباله او ژمنه یې وکړه چې له دغه سمينار څخه ترلاسه شوي مهارتونه به د اطلاع رسونې او د ښه خدماتو وړاندې کولو په برخه کې کاروي.
۱۴۴۷/۴/۲۵ هـ ق
