بامیانو کې د عالیقدر امیرالمؤمنین (حفظه الله) د فرمانونو د تشریح روزنیز سیمینار جوړ شو
د بامیانو اطلاعاتو او کلتور ریاست د عالیقدر امیرالمؤمنین(حفظه الله) د ۱۷مې ګڼې (ناوړه دودونو مخنیوي) فرمان او د مشاعرو د تنظیم قانون د پلي کولو په برخه کې د شاعرانو، لیکوالانو او هنرمندانو مسؤولیت په نامه روزنیز سیمینار ترسره شو.
یاد سیمینار کې یو شمېر شاعرانو، فرهنګیانو، هنرمندانو او د یو شمېر امارتي ادارو مسؤلینو ګډون کړی وو.
د سیمینار ویناوالو د عالیقدر امیرالمؤمنین (حفظه الله) د ۱۷مې ګڼې فرمان د پلي کولو، ناوړه دودونو له منځه وړلو او د ټولنې په اصلاح کې د فرهنګیانو د رول پر اړتیا ټینګار وکړ.
د سیمینار په لړ کې د عالیقدر امیر المؤمنین(حفظه الله) ۱۷مه ګڼه فرمان (د ناوړه دودونو مخنیوی) او د مشاعرو د تنظیم قانون ګډونوالو ته تشریح شو او غونډه د دعا په ويلو سره پای ته ورسېده.
۱۴۴۷/۷/۱۷ هـ ق
