د اطلاعاتو او کلتور رئیس د رضا کارو ځوانانو کمېتې له مسؤلینو سره ولیدل
د کاپیسا اطلاعاتو او کلتور رئیس د دې ولایت د حصه اول کوهستان ولسوالۍ د رضاکارو ځوانانو کمېټې له مسؤلینو سره ولیدل او په فرهنګي او ښونیزو برخو کې یې د دوی اغیزمن فعالیتونه وستایل.
د اطلاعاتو او کلتور رئیس په اوسني عصر کې یوالی او زده کړې مهم وبلل او ویې ویل: د یوې ټولنې د هوساینې او پرمختګ کچه د خلکو د زده کړې او د یووالي له کچې سره مستقیمه اړیکه لري.
د حصه اول کوهستان د رضا کارو ځوانانو کمېټې مسؤلینو هم د کاپیسا د اطلاعاتو او کلتور ریاست له دوامدار ملاتړ څخه مننه وکړه او نوي روزنیز، فرهنګي او ښوونیز پلانونه یې له مسؤلینو سره شریک کړل.
دا په داسې حال کې ده، چې د رضاکارو ځوانانو کمېټې د یووالي، پیاوړتیا او د اسلامي ارزښتونو سره سم په روحي او جسمي توګه د ځوانانو روزلو په موخه د کاپیسا ولایت په نورو ولسوالیو کې هم فعالې دي.
۱۴۴۷/۹/۸ هـ ق
