د اطلاعاتو او کلتور رئیس د ولسوالیو له ځوانانو سره د همغږۍ ناسته وکړه
د ننګرهار ولایت د ولسوالیو د ځوانانو استازو د اطلاعاتو او کلتور رئیس مولوي ذبیح اللّه نوراني سره د همغږۍ ناسته وکړه.
پیل کې د ځوانانو چارو آمر د ناستې د جوړولو موخې بیان کړې او د ورته نورو ناستو د جوړولو ژمنه يې هم وکړه.
د ولسوالیو د ځوانانو استازو د ځوانانو د روزنې په برخه کې د اطلاعاتو او کلتور ریاست ترسره شوې کړنې او هڅې وستاېلې او خپلې غوښتنې او ستونزې يې د حل په موخه د ریاست له مشرتابه سره شریکې کړې.
د ننګرهار د اطلاعاتو او کلتور رئیس مولوي ذبیح اللّه نوراني د ځوانانو استازو ته ښه د راغلاست ویلو تر څنګ د دوی ستونزې او وړاندیزونه واورېدل او ډاډ یې ورکړ، چې د ستونزو د حل په برخه کې به پوره هڅې کوي او وړاندیزونو ته به یې رسیدګي وشي.
ښاغلي نوراني وویل: د اطلاعاتو او کلتور رياست د ټولو ګډ کور دی، د دې رياست دروازې د هرچا په مخ پرانېستې دي او مسؤلین یې د ځوانانو هر ډول سالمو نظرياتو او مشورو ته په ورين تندي هرکلی وایي.
۱۴۴۷/۳/۲۹ هـ ق
