د اطلاعاتو او کلتور رئیس له نوښتګرو ځوانانو سره وکتل
د کاپیسا ولایت د اطلاعاتو او کلتور رئیس مولوي کریم الله وثیق په خپل کاري دفتر کې د دې ولایت له یو شمېر نوښتګرو ځوانانو سره وکتل.
مولوی کریم الله وثیق په دې لیدنه کې د اسلامي امارت په ژمنه (چې د نوښتګرو ځوانانو ملاتړی دی) تاکید وکړ او ځوانان یې لوړو موخو ته د رسېدو او لازیاتو کوښښونو کولو لور ته وهڅول.
ښاغلي وثیق زیاته کړه، چې د اطلاعاتو او کلتور ریاست اړوند د ځوانانو چارو آمریت د ځوانانو علمي ظرفیت لوړونې او ودې په موخه کوښښونه کوي او د دوی نوښت ستایي.
د ناستې په پای کې راغلیو ځوانانو، د ځوانانو علمي ظرفیت لوړونې په برخه کې د اطلاعاتو او کلتور ریاست له هڅو او کوښښونو څخه مننه وکړه.
۱۴۴۷/۲/۲۳ هـ ق
