د اطلاعاتو او کلتور وزیر د جوزجان له والي سره وکتل 

د اطلاعاتو او کلتور وزارت وزیر ښاغلي الحاج ملا خیرالله خیرخواه د جوزجان ولایت له والي الحاج قاري ګل حیدر شفیق سره وکتل.
د لیدنې پر مهال د جوزجان والي ښاغلي شفیق په جوزجان کې د اطلاعاتو او کلتور ریاست د فعالیتونو په لړ کې د جهادي آثارو د ساتنې په موخه د جهادي موزیم په جوړولو، فیض آباد ولسوالۍ کې د مطالعې کلتور د پراختيا لپاره عامه کتابتون ته د ودانۍ په جوړولو، د اطلاعاتو او کلتور ریاست اړوندو ځمکو د ودانولو پر څرنګوالي خبرې وکړې، همدا راز يې دې ولايت کې سيلانيانو ته د اسانتياوو په برابرولو او د ځوانانو مخ کې د شته ستونزو د حل په موخه اړه تفصیلي بحث وکړ.
په ورته وخت کې د اطلاعاتو او کلتور وزیر ښاغلي الحاج ملا خیر الله خیرخواه د جوزجان ولایت له والي سره په خبرو کې یادو موضوعاتو ته د رسیدنې ډاډ ورکړ، او زیاته یې کړه چې د جهادي آثارو د ساتنې په موخه به د جهادي موزیمونو د جوړولو سربیره، جهادي آرشیف او د تیر جهاد او مبارزې تاریخ هم ولیکل شي.

1447/3/1