د (د زدهکړو سمې لارې چارې) په نامه یو ورځنی علمي سیمینار وړاندې شو
د پروان ولایت د اطلاعاتو او کلتور ریاست د مطبوعاتو په تالار کې د یاد ریاست او یو همکار ښوونیز مرکز په همکارۍ ۵۰۰ تنو ځوانانو ته د (د زدهکړو سمې لارې چارې) په نامه یو ورځنی علمي سیمینار وړاندې شو.
د اطلاعاتو او کلتور ریاست مسؤلینو یاد پروګرام ګټور وبللو او د ځوانانو د ظرفیت لوړولو په برخه کې یې د پوره همکارۍ ډاډ څرګند کړ.
دغه راز د یاد ښوونیز مرکز مسؤلینو د سیمینار موخه د ځوانانو د علمي ظرفیت لوړول، د مطالعې سمې لارې چارې او اغېزمنو زدهکړیزو میتودونو پېژندل یاده کړل.
د سیمینار په لړ کې ګډونوالو ته د ټاکلي هدف، منظم پلان، مناسب چاپېریال، اغېزمنو فعالو زدهکړیزو میتودونو، له بېلابېلو سرچینو ګټې اخیستنې او یو شمېر نورو موضوعاتو په اړه معلومات وړاندې شول.
۱۴۴۷/۷/۱۸ هـ ق
